Anglia dhe Franca luajnë sot në 20:00 për fazën çerekfinale të Kupës së Botës. Në Al Khor të Katarit, në stadiumin “Al Bayt” dy skuadrat do kërkojnë të marrin një biletë për në gjysmëfinalen e eventit teksa kjo është një finale e parakohshme për vetë atë që skuadrat kanë dhënë në historinë e futbollit.
Trajnerët Gareth Southgate dhe Didier Dechamps kanë zbardhur formacionet zyrtare që do zbresin në fushë. Te Anglia mungon Ben White për shkak të problemeve personale, ndërsa Benzema dhe Lucas Hernandes mungojnë të Franca për shkak dëmtimi.
17′ / Angli 0-1 Francë. “Gjelat” e Dechamps kalojnë në avantazh pas vetëm 17 minutash lojë me një goditje perfekte nga Tchouameni. Asisti i Griezmann ka bërë që mesfushori i Real Madrid të shënojë një “perlë” nga 23 metra.